Torete

Kaka-inis, kaka-asar, kaka-torete! Ewan ko ba kung pano ang posisyon ko ng pagtulog kagabi at paggising ko, may naipit na ugat sa batok ko. Meron na naman akong stiff neck. May sumpong si wife kagabi at sigurado, pag may sumpong yun, mahahawa na ako at mas malala pa. Kaka-init kasi ng ulo yung pagod sa trabaho at sa kakalakad ng mga sideline, tapos pag uwi mo, susungitan ka pa. Pag ganyang sitwasyon, mas umiinit pa ang ulo ko. Pag nagsalubong na ang kilay ko, sumasabog na ang kung anu-anong toxic sa utak ko. Kaya siguradong World War 3 na naman. Ewan ko ba kung ano na naman ang problema nun sa buhay nya kaya ang ginawa
ko imbes na patulan ko, tinulugan ko pagkatapos kumain. Ayun, sinumpa yata ako at paggising ko ng 4am, may stiff neck na ko. Tatapusin ko sana ang mga revisions ng sidelines ko pero kunti lang natapos ko at nakatulog ulit ako.

Heto ko ngayon, maghapong inat ng inat dahil hindi ako komportable sa pag-upo. Buti di pa sumasakit ang ulo ko, malamang mamaya. Di ko pa rin nakaka-usap ang boss ko tungkol sa sick leave ko. Kanina lang pumasok after 2 weeks na nasa China at umalis agad kaninang tanghali. Ah basta, naka-schedule na yung doctor ko sa Pinas para sa surgery ko. I'll do it by hook or by crook. Feeling safe naman ako sa company namin kasi kaka-renew lang ng 2 years ang Pass ko. Ang problema lang, baka di ako
makapag-claim, di bale na lang. And guess what, 10 days daw ang kailangan ko bago ako payagang bumalik ng doctor ko. Ayus!