Deal with Me

Medyo kabado ako ngayon, may interbyu kasi ako sa byernes at ang posisyon ay iba-base sa Pinas. Gusto ko ang trabaho pero parang sinasabi ng utak ko
na pag-isipan kong mabuti. Marami pa kasing di malinaw, tulad ng sweldo, kontrata at kung anu-ano pang arrangements at sa interbyu ko pa malalaman. Isa pa, iniisip ko ang environment, bukod sa pollution na maaaring mag-trigger back ng rhinitris ko, traffic, krimen at kung anu-ano pa. Baka para akong baliw na paranoid sa paligid ko, hehehe. Pero alam ko na kung sakali, masasanay din ulit ako in a few days time. Iba pa rin ang nasa sariling bayan.

Pinag-iisipan ko din na mag-set up ng business. Habang umiinom kami ng vodka last weekend, naalala ko ang lambanog sa atin. Lumabas kasi ang iba't ibang flavor ng absolute vodka tulad ng mandirin, vanilla, blackcurant at kung anu-ano pa na meron din counterpart ang lambanog. Ano kaya kung ito ang gawin kong bisnis, lalagyan ko ng proper branding at advertisements. Pwede ring gawing export product ito. Isa ang alak sa mga produktong di humihinto sa pagbenta. Kahit anong level ng community,
di mawawalan ng lasenggo, hehehe. Kailangan ko nga lang ng selling point para maka-kumpetensya sa malalaking kumpanya. Tulad ng -

"Lambanog with vitamin C, ang vitamins ng mga lasenggo"
"Lambanog with Viagra, ang inuman ng tigasin (free condom)"
"Lambanog with Kapeng Barako, ang inumin ng mga puyatin"
"Lambanog mouthwash, isang mumog lang, amoy chiko ka na"
"Lambanog Icecream" at madami pa.

May website pala ang gobyerno para sa mga small-medium enterpreneurs at makikita dun kung gaano kadaming business ventures ang pwedeng nating pasukin. Kailangan lang pag-aralang mabuti kung ano ang di pa masyadong saturated o maraming ka-kumpetensya. Nabasa ko yung Binalot business which started 1996. Ito yung ulam, kanin with salted egg and tomato na binalot sa dahon ng saging. Bata pa ko alam ko na ito dahil lumaki din ako sa Laguna at isa ang binalot sa specialty ng mga taga-doon. Akalain mo, 50k pesos lang ang starting capital nila at napalago nila into a franchising business. Ngayon minimum 300k ang pagkuha ng franchise sa kanila, ang galing ano? In less than 10 years. mahigit 10 na ang branches nila and still counting.

Ano pa kayang bisnis ang di napapasok? Any suggestions?

Huh Wednesday na???

Ok sa olryt!!! tapos na ang puyatan, singilan na. Pagkatapos nga ng mga gabing naging araw at mga araw ko na laging inaantok, tapos na ang mga
trabahong nakakasira ng blog life at seks life. Nasa stage na ako ng singilan at tawaran. Ok naman ang mga kliyente dito, marunong tumanaw ng mga utang nila, hehehhe. Hetong ginawan ko ng tabing-guhit, alam ko na ang takbo ng utak - alam kong tatawaran ako nito kaya tinaasan ko na ang billing ko. At di nga ako nagkamali, tumawad sa original na presyo na na-compute ko, hehehe. Kaya sabi ko na lang - "for goodwill and business partnership, I'll just give you the discount you're asking". Ayun, tuwang-tuwa ang mokong.

At dahil sa pagpupuyat ko ng ilang gabi, baka matutuloy na kaming umuwi nitong
chinese new year dahil nadagdagan ang budget namin. Medyo na-plano na nga namin
kung matutuloy kami dahil kasabay naming uuwi sila bilas. Sa tiger air kami sasakay
at sa Clark ang airport of landing. Naisip namin, tutal nandun na rin kami, mag-stay na rin kami dun or sa Subic ng maybe 2 nights. Gusto ko rin ipasyal si Sean sa Baguio. Hopefully , 2 weeks kaming bakasyon kung wala akong critical projects sa time na yun.
Kung meron, baka 1 week lang ako at maunang bumalik. Gusto ko rin kasing tipirin ang
annual leave ko para may matira pa para sa binabalak kong 'byahe'.

Kaya puspusan na ulit ang pag-wo-work out ko, baka madiscover ako ni kuya germs at isali sa that's entertainment...meron pa ba nun? pwede rin pala akong maging bold actor at ipareha kay diana zubiri, wag lang may butt exposure dahil makikita ang ba-lat ko dun sa dako paroon. Hik!

Huh! Friday na?

Bilis talaga ng araw ano? lalo na pag busy, di mo namamalayan ang oras, minsan pakung may deadline, gusto nating pigilan ang oras. Dalawang tabing-guhit ang sinimulan ko last week, revision yung isa nung naunang project at bago yung isa. Nung isang araw ko lang naramdaman ang pagod, 4 hours max lang kasi ang tulog ko bawat araw simula nung sabado bukod pa sa meeting about revisions sa opisina nung cliyente every other day. Sa gabi pa yung meeting, syempre di naman pwede sa araw dahil may regular akong work. Yung ofis pa naman nila, isang oras ang byahe mula sa bahay ko. Nakaka-alis ako ng ofis ko ng 6pm, dadating sa kliyente ng 7pm at discussion ng more or less 3 hours. Kaya pag uwi ko sa bahay, lagpas 10 na. Ngarag na ko nun kaya tulog muna then gising ng 3am para magtrabaho. Natapos ko naman pero kulay kape na yata ang dugo ko sa dami ng nakunsumo kong 3 in 1 coffee. Natatakot nga rin ko, baka magka-prostate cancer ako, 1 week na kasing diet sa ehem, alam nyo na. Di ba, kailangan regular once or twice a week ang change oil para
healthy ang mga alaga ko sa sinapupunan. Di bale, babawi na lang ako ngayong weekend. World War 3 sa bahay kaya walang iistorbo.

May advantages at disanvantages ang pagtatabing-guhit at sobrang trabaho. Isa-isahin natin:

Disadvantage: Lumalaki ang eyebag dahil sa puyat at pagod
Advantage: Feeling ko mas pogi ako sa malat na boses dahil sa puyat

D: Napaparami ang caffeine intake
A: Mas mabilis humaba ang balbas ko kaya mas feeling macho ako.

D: Sira ang schedule ko sa pag wo work-out
A: May pambili ako ng pills na pampa-payat, heheheh

D: Inaantok ako lagi
A: nakak-idlip ako sa bus kaya di ako naiinip sa byahe

D: Humahaba ang shopping lists ng mrs ko
A: Kasama ako sa shopping lists nya

Marami pa pero inaantok na kong magsulat. Bukas nga pala, may inuman sa kabila kaya
madi-disinfect na rin sa wakas ng alcohol ang lalamunan ko. Olrayt! Hik!

PS. Na-receive ko na ang PC galing kay Mmy Nengzki at FafaKadz, scan ko mamaya para mai-post dito, Maraming thanks po! Paki-hintay nyo yung ise-send ko ring PC ha :)